My Day ;*

مسااااء الخير ..
اليوم كان يوم "شااااق"بمعنى الكلمه @@
طلعت من البيت ساعه 6:45 صباحاا!!
ولما وصلت الكليه ساعه 7ومادري جم
عاد بدت المحاظره ساعه 8
ياحياتي هالاستاذه اول مادشت ابتسمت اب وجهي وقالت لناا : هاا شنو عدتو اصول الاداره !
لانه اهي الكورس اللي طاف امدرستنيي
وانا متعمده اخذ عندهاا لانه حبوبه وتساعد !
المهم قالتلنا انه المحاظره تبدي 8:15 جدمت الوقت :)

عاد طلعنا من المحاظره امبجر بس عطتنا مواعيد الامتحانات وتوزيع الدرجات إلــــخخخ !

9ونص محاظرتي محاسبه !
تخيلوو متى طلعنا ! طلعنا ساعه 10:49 يعني حدا حداا
لانه انا عندي محاظره ساعه 11 وعاد اب مبنى ثاني
المهم
دكتور محاسبه حبوووبه :) وان شاء الله يساعدنا عاد قام يشرح ويسولف
تحجى عن موضوع برا الماده
"القراءه السريعه" تخيلوو قاعد يقولنا ان اب امريكا لانه اهو درس 9 اسنيين اهناك يقروون بالدقيقه 200 او 100 كلمه بالدقيقه ايي بالدقيقه @@!
انا صج اقرأكتب وجذي بس ماعمري فكرت اعد جم كلمه قريت صج اقعد احط اوقات متى قريت ومتى خلصت بس عمري ما فكرت اعد الكلمات
وقاعد يقولنا انتوو جم مره دشيتو المكتبه اللي بالكليه!
انا صج دشيت بس ما قعدت اقرأ كتب صراحه نضرت البنات بايخه !!
وصج انا مالي شغل بنضرت البنات بس همن مادري شلون :s

اما الدكتور الثاني يعني جديي شويه و من النوع اللي فجأه يسألج بس الحمد لله الحمدلله ما سألني المفروض ارفيجتي معاي اليوم بس غايبه عشان عرس خالتهاا ..

وبس رديت البيت و سويت لي توست ونمت :)
وقعدت ساعه4 وتسبحت وسويت لي غداا وبس :)

الحين انا امي بنطالع اوبراا :)

اي صج كان عندي فراغ قبل محاظره المحاسبه ولا اشوف ارفيجت ارفيجتي اللي كانت معاي بالكورس الي طاف "

وبس

See u :*